प्राधिकरणले बढायो सौर्य ऊर्जाको सीमा

 नेपाल विद्युत् प्राधिकरणले सौर्य जलविद्युत आयोजनासँग गरिने विद्युत् खरिद सम्झौता (पीपीए)को सीमा बढाएको छ । विद्युत् प्राधिकरणले २०७८ सालदेखि सौर्य आयोजनाहरूको पीपीए प्रतिस्पर्धाबाट गर्दै आएको छ ।

प्राधिकरणले हाल कायम रहेको जडित क्षमता र पीपीए भइसकेका आयोजनाहरुलाईसमेत समावेश गर्दा हुने राष्ट्रिय ग्रिडको कुल क्षमताको १० प्रतिशतसम्मको सीमामा रहेर प्रतिस्पर्धाका आधारमा सौर्य ऊर्जाको पीपीए गर्ने छ । यसअघि राष्ट्रिय ग्रिडको जडित क्षमताको १० प्रतिशतसम्ममा सीमामा रहेर सौर्य आयोजनाहरूको पीपीए हुँदै आएको थियो ।